السلام عليكم ورحمة الله وبركاته
اليكم قصيدة محمد العرجاني مدح في قبيلة بني هاجر
وبيض الله وجهه ولاعليهم زود
يـابـنــي هــاجـــر))
يالله ياعالـم بغـيـب الليـالـي
ياواحد(ن) نرجيه بـاوّل وتالـي
انـك توفقنـي لـدرب الهـدايـه
وانك تجملنـي لاجابـو مجالـي
شاعر ولامنّـي كتبـت القصيـده
أعيش في جـو القصيـده لحالـي
لاغيّب المسحوب جبت الهجينـي
ولاغيّب الصخري بدعت الهلالي
ماجيبهـا منّـا ومـنّـا ومـنّـا
ياواقعيـة فـكـر ولاّّ خيـالـي
لا قرّبت كنها على رمش عينـي
واليا أبعـدت ماكنّهـاإلا ظلالـي
تحبّني حب الرجـل لابـن عمّـه
واحبّهـا حـب الرجـل للمعالـي
دايـم تقدرنـي وانـا محترمهـا
تاتي قبل ماانطق بكلمة((تعالـي))
أصونهـا واعزهـا واحتميـهـا
واعدها لا من طرى ماطرى لـي
يعني ليامن جيت عند (( محلفنا))
ماجيب غير النـادرات الغوالـي
يستاهلون المـدح والمـدح فيهـم
أقل وصف انهم (زحول الرجالي)
زحول الرجال إلا شـوي بحقهـم
يمكن انـا ماقلـت شـي ٍ فبالـي
هواجرن فيهم من الطيـب جمّـه
هواجرن فيهـم شمـوخ الجبالـي
اكبرهم اللي لا احتمى الجال شفته
يقول باعلى الصوت (( ياهمّلالي))
واصغرهم اللي لا نطق له بكلمـه
كنّه يقول الجـال هـذاك جالـي
من دون شايبهم يوقّـف صبيهـم
يعني (صميدع راس) ولا يبالـي
ومحلهم تلقى بـه العـود الازرق
وتلقى به الشبّه وصفـر الدلالـي
يعني الكرم فيهـم مـن الله جبلّـه
الهاجري يضرب بطيبـه مثالـي
بين الهواجـر والجزالـه علاقـه
علاقتن ماصـار فيهـا انفصالـي
قلته وانـا مـن لابـةٍ ومعروفـه
خيالـة (السمـرا) بيـوم القتالـي
الطيب فينـا والمعـزّه لنـا ورث
متوارثينه مـن عمـام وخوالـي
من ضَد ّنا ماهوب ياطيب حظـه
يشهد لنا ماضـي قديـم الليالـي
وكلّن على ماقيل مـن دون حقـه
والصدق يبقى والحقايـق تقالـي
وصح الله لسان الشاعر
ونعم يابني هاجر
..........................
مافياوي
موضوع: مدح في قبيلة بني هاجر.... 
الجمعة 04 أبريل 2008, 05:07
