السلام عليكم
هذي قصيده اعجبتني بس ماعرفت من كاتب القصيده
ياللي نويت تغيب ياشين فرقـاك =قلب العنا من طاري البعـد ملـي
وشلون ابصبر ياحبيبي بليـاك؟ =ياكيف اهدّي جامح الشوق قلـي؟
ياكيف اسلي نفسي اللي تمنـاك؟ =ياكيف افارق شمس كوني وظلـي؟
واليا فقدت اطعون رمحك وشلفاك =من وين لي طعنات رمشٍ مظلـي؟
واليا هجرتني بسمةٍ من شفايـاك =وش عاد باقي في حياتي يسلـي؟
ليه التغلي ينحسب من مزايـاك؟ =والناس قالت شعـر ضـد التغلـي
تسـأولاتٍ قالهـا قلـب يهـواك =والله مااسأل فيك لو منـت خلـي
ماقلت لك ياصاحبي عمري افداك =كلـه ولا الهجـران خلـه يولـي
إما تغيب ... وتاخذ القلب ويـاك =وإلا تعال ... وخذني افـداك كلـي
ღღ وســــلامــــــتـــــكـــــــم ღღ
موضوع: ღღ قصيدة حلوة في الزعل والعتاب ღღ 
الجمعة 09 مايو 2008, 05:40
